ერთიანი ნაციონალური მოძრაობის წევრის, გიორგი ჩალაძის ინფორმაციით, მანქანების ესკორტი, რომლითაც, სავარაუდოდ, ექსპრეზიდენტი მიხეილ სააკაშვილი გორის სამხედრო ჰოსპიტლიდან გადაიყვანეს, რუსთავის N12 პენიტენციურ დაწესებულებაში მივიდა.
“რუსთავის ციხეში მივიდა გორიდან ესკორტი”. – წერს ჩალაძე და რუსთავის ციხის მიმდებარე ტერიტორიიდან კადრებს ავრცელებს.
რუსთავის ციხესთან, სადაც მიხეილ სააკაშვილი გადაიყვანეს, წყლის ჭავლის მანქანაა შეყვანილი. შესასვლელში ბარიკადებია დამონტაჟებული.
არადა მდგომარეობა საგანგაშოა. როგორც დღის განმავლობაში მიხეილ სააკაშვილის ადვოკატები და თანაპარტიელები ამბობდნენ, მისი მდგომარეობა მძიმეა
რამდენიმე საათის წინ მიხეილ სააკაშვილი ომბუდსმენის წარმომადგენელმა მოინახულა. გორის ჰოსპიტლის დატოვების შემდეგ საბა ბრაჭველმა თქვა, რომ 27 დეკემბერს სააკაშვილის ახალ დიაგნოზი დაუსვეს. მან დიაგნოზი არ გაახმაურა და აღნიშნა, რომ სახალხო დამცველის აპარატს სურს, რომ მისი კონსილიუმის წევრებმაც შეაფასონ პაციენტის მდგომარეობა და დადონ დასკვნა პაციენტის საჭიროებების შესახებ.