,, მთავარი არხის” ინფორმაციით, მესამე პრეზიდენტის ყოფილ ექიმს ნინო გოგორიშვილს ინსულტის ნიშნები განუვითარდა და ურთულესი მდგომარეობით ახლა ამავე ჰოსპიტალის სტაციონარულ განყოფილებაშია მოთავსებული.
ნინო გოგორიშვილი ხელისუფლების რეპრესიების სამიზნე სკანდალური აღიარების შემდეგ გახდა, როცა ექიმმა მიხეილ სააკაშვილის ადვოკატს დაუდასტურა, რომ საავადმყოფოდან ვითომ გაწერილ მესამე პრეზიდენტს ისევ პოსტტრავმული აშლილობა ჰქონდა და მისი რეაბილიტაცია პატიმრობის პირობებში წარმოუდგენელი იყო.
გუშინ ექიმი პირდაპირ “კგბ-ს” მეთოდებით გამოიყვანეს ჟურნალისტებთან ჰოსპიტალის ეზოში და მის ნაცვლად გორის სამხედრო ჰოსპიტლის მთავარმა ექიმმა წაიკითხა ,, მისი” შეცვლილი ჩვენება, თუმცა გოგორიშვილმა მოგვიანებით კვლავ გაიმეორა პირველი ჩვენება, რაც იმას მოწმობს, რომ ექიმზე ზეწოლის მცდელობა ხელისუფლების მხრიდან ამაო აღმოჩნდა. ფსიქოლოგიური ტერორი თავად ექიმს , როგორც იკვეთება, ჯანმრთელობის ფასად დაუჯდა.
ჰოსპიტალიდან კომენტარს არავინ აკეთებს.