ნაციონალური მოძრაობის თავმჯდომარე, ნიკა მელია პრეზიდენტ სალომე ზურაბიშვილს ორშაბათს, 27 დეკემბერს შეხვდება.
ზაალ უდუმაშვილის განცხადებით, ისინი ისაუბრებენ ექსპრეზიდენტ მიხეილ სააკაშვილის და ბევრ სხვა საკითხზეც .
“მიხეილ სააკაშვილის საკითხი მთავარია, ისევე, როგორც იმ აქციის მოთხოვნებშიც, რომელიც ჩვენი ოფისის მიმდებარე ტერიტორიაზე მიმდინარეობს . თუმცა ნიკა მელია და სალომე ზურაბიშვილი ისაუბრებენ ბევრ სხვა საკითხზეც, მათ შორის, იმ პოლიტიკურ კრიზისზე, რომელიც დღეს ქვეყანაშია და როგორ ხედავენ გამოსავალს, რომ როგორმე დაიძლიოს ეს პოლიტიკური კრიზისი” — თქვა ზააალ უდუმაშვილმა