ცხინვალთან ჩამოწოლილი ზვავის შედეგად ორი რუსი ოკუპანტი სამხედრო დაიღუპა, სამს კი ამ დრომდე ეძებენ. ზვავი იმ ადგილას ჩამოწვა, სადაც რუსული საველე ყაზარმა იყო გახსნილი.
ზვავის ადგილას ყაზარმა არასწორად იყო აგებული, კონკრეტულად კი, არ იყო გათვალისწინებული ზვავ და მეწყერსაშიშროების პრობლემები.
ცხინვალის მედიასაშუალებების ცნობით, ზვავი ღამით ჩამოწვა, სიბნელეში სამაშველო სამუშაოები გვიან დაიწყო, მაშველები ამაოდ ეძებდნენ გაუჩინარებულ სამხედროებს. მოგვიანებით მათ ორი ცხედარი იპოვეს. სამი ჯარისკაცი ამ დრომდე უშედეგოდ იძებნება.