მიხეილ სააკაშვილის ბიძის, თემურ ალასანიას გამოკითხვა სასამართლოში დასრულდა. ადვოკატი ბექა ბასილაია არ გამორიცხავს, რომ ალასანიას ბრალი წაუყენონ.
მისი განცხადებით, კითხვები ეხებოდა თემურ ალასანიასა და მიხეილ სააკაშვილს შორის სატელეფონო საუბრის შინაარსს.
ეს არის ფალსიფიცირებული ჩანაწერები, გამოძიება დაწყებულია უკანონო მოსმენაზე და კითხვებს სვამდნენ საუბრის შინაარსის რეალურობაზე. უნდოდათ ვინმეს დაედასტურებინა, რომ ეს რეალური ჩანაწერია, რათა შემდეგ დააორგანიზონ ხალხი, რომლებიც იტყოდნენ, რომ თემურ ალასანია ქართველ ხალხს აყენებს შეურაცხყოფას.
თემურ ალასანიას გამოკითხვაზე მკაფიოდ გაეცა პასუხი, რომ არცერთი ფრაზა ამ საუბრიდან ხალხთან დაკავშირებული არ არის და, თუ ვინეს ეხება, ეს ივანიშვილია, თუმცა ეს ფაბრიკაციაა და შეკოწიწებულია სხვადასხვა საუბრიდან” – ამბობს ბასილაია.