“დროას” ლიდერმა მიხეილ სააკაშვილი გორის სამხედრო ჰოსპიტალში უკვე მეორედ მოინახულა.
,,სისუსტე არის ძალიან ცალსახა, ამ 2 კვირის განმავლობაში შეიძლება უფრო სუსტადაც კი არის, ვიდრე რაც მე ვნახე -მას აქვს კვების პრობლემები, რაც ჩემთვის ნაცნობია, იმიტომ რომ რთულია ჭამის შეჩვევა და ამ პირობებში, რა თქმა უნდა, მას კიდევ უფრო უჭირს”… – განაცხადა ელენე ხოშტარიამ სამხედრო ჰოსპიტალიდან გამოსვლის შემდეგ.
მისი თქმით, სამედიცინო დასკვნებიც ადასტურებს, რომ მესამე პრეზიდენტის მძიმე მდგომარეობა დაკავშირებულია ტრავმასთან, რომელიც მან სახელმწიფოს ქმედებების გამო მიიღო – განწყობა იქნება ეს, თუ სისუსტე თუ სხვ.
,,ვისაუბრეთ პოლარიზაციის დაძლევის აუცილებლობაზე, მშვიდობიანი პროტესტის მნიშვნელობაზე, პოლიტიკურ სასამართლო დავებსა და სალომე ზურაბიშვილის მხრიდან წამოსულ ინიციატივაზე. ამ უკანასკნელთან დაკავშირებით, მას კარგად ესმის რამდენად მნიშვნელოვანია ქვეყნისთვის მსგავსი ტონალობით და სულისკვეთებით საუბარი და მოელის გარკვეულ შედეგებს ქვეყნისთვის და არა მხოლოდ საკუთარ თავისთვის.” – თქვა ელენე ხოშტარიამ.