სასაცილო მასკარადი – ასე აფასებს მიხეილ სააკაშვილის ადვოკატი, შოთა თუთბერიძე სუს-ის მიერ პრეზიდენტის ბიძის, გამოკითხვაზე დაბარების ფაქტს.
ადვოკატი ამბობს, რომ ხელისუფლებას 2018 წელს დაწყებული გამოძიება დღეს გაახსენდა. ხელისუფლება ვითომ იძიებს, ვინ აყურადებდა თემურ ალასანიას საუბარს. სურთ 2018 წელს დაწყებული გამოძიების დღეს გაგრძელება. უცებ გამოეღვიძათ და სურთ, გამოძიება გააგრძელონ, რაც უბრალოდ სასაცილოა. საქმე არის აღძრული არა თემურ ალასანიას წინააღმდეგ, არამედ მის წინააღმდეგ ჩადენილი დანაშაულის გამო. ხელისუფლება ამტკიცებს, რომ ვიღაცა მათ უსმენდა უკანონოდ. საქართველოს ხელისუფლების გარდა, ვინ უსმენდა ალასანია-სააკაშვილს უკანონოდ, მე ვერავინ წარმომიდგენია”- განაცხადა ადვოკატმა.
საქართველოს მესამე პრეზიდენტის ბიძა, თემურ ალასანია, დაკითხვაზე დაიბარეს. ლილუშვილის უწყებამ მიხეილ სააკაშვილის ოჯახის წევრი სუს-ში მას შემდეგ გამოიძახა, რაც ალასანიამ საქართველოს საზღვარი გადმოკვეთა.
საქმე ეხება უკრაინულ საიტზე გამოქვეყნებულ ფარულ ჩანაწერებს, რომელშიც გამოცემის მტკიცებით, საქართველოს მესამე პრეზიდენტსა და მისი ბიძის საუბარია ჩაწერილი.