გუშინ ღამით ვარშავაში პოლიციის მანქანას, რომელიც ნატო-ს გენერალური მდივნის კორტეჟს მიაცილებდა, გზაჯვარედინზე სატვირთო ავტომობილი დაეჯახა.
ოფიციალური ინფორმაციით, თავად იენს სტოლტენბერგი ავტოსაგზაო შემთხვევას უვნებელი გადაურჩა – მანქანა, რომელშიც იგი იმყოფებოდა, არ დაზიანებულა და, საერთოდ, მისი თანმხლები კოლონა უშუალოდ ავარიულ სიტუაციაში არ აღმოჩენილა, იგი გარკვეული მანძილით იყო დაშორებული გზაჯვარედინს, სადაც ეს მოხდა.
თავდაპირველად გავრცელებული ცნობა, რომ ავარიის შედეგად დაიმტვრა ესკორტის რამდენიმე ავტომობილი, ოფიციალური წყაროებით არ დასტურდება, პოლონეთის პოლიციის ხელმძღვანელ პირთა და მთავრობის დაცვის ბიუროს პრესმდივნის კატაჟინა კოვალევსკას ცნობით, ერთადერთი მანქანა , რომელიც ამ ავარიის შედეგად დაზიანდა არის ესკორტის წინ მიმავალი პოლიციის ავტომობილი.
მისი განმარტებით, ავარიის შედეგად დაძაბულ სიტუაციაში მეყვსეულად გაძლიერდა იმ მანქანის დაცვა, რომელშიც გენმდივანი იმყოფებოდა. დაცვის სამსახურის თანამშრომლებს პოლიციელებიც შეუერთდნენ.
პოლიციის განცხადებით, ინცინდენტის შემდეგ 4 დაშავებული საავადმყოფოში გადაიყვანეს, მათ შორის ორი პოლიციელია.ერთი სხვა ავტომობილის მძღოლი და ერთი ქუჩაში ფეხით მიმავალი მოქალაქე