,, გავეცანით პაციენტის ავადმყოფობის მთელ ისტორიას, ერთი კვირის განმავლობაში შესრულებული ლაბორატორიულ კვლევის შედეგებს, თუმცა ჩვენ ისედაც გვაქვს გარკვეული წვდომა ამ მასალებზე ხოლმე კვირის განმავლობაში მთლიანად . ლაბორატორიული მაჩვენებლები დამაკმაყოფილებელია და ამ ეტაპზე სიცოცხლისთვის რაიმე საშიში გართულება არ აღენიშნება”- ამბობს სახელმწიფო კონსილიუმის წევრი, ჰემატოლოგი ნინო შარაშენიძე სამხედრო ჰოსპიტალში პრეზიდენტის მონახულების შემდეგ.
იგი საუბრობს პრობლემებზე, რომლიც ჯერჯერობით არ არის გადაწყვეტილი. ,,პაციენტს შემცირებული აქვს ჰემოგლობინი, პერიოდულად შედარებით მცირდება, მატულობს, თუმცა თავის ძირითადი ქრონიკული დაავადებიდან გამომდინარე, ძალიან მაღალი ჰემოგლობინი ისედაც არასდროს არ აქვს. არ აღენიშნება არცერთი ვიტამინის დეფიციტი, არ აქვს აქტიური ჰემოლიზი.
პერიოდულად, არის სუსტად, ეს სისუსტე გაცილებით უფრო თვალშისაცემია დღის მეორე ნახევარში ხოლმე, რაც სავარაუდოდ, მის ემოციურ ლაბილობას უკავშირდება, იღლება ვიზიტორებთან შეხვედრით, იმ ემოციით, რასაც იღებს ტელევიზორიდან და ა.შ. აბსოლუტურად ადეკვატურად, ძალიან ხალისიანად გაგვცა პასუხი ყველა ჩვენს დასმულ კითხვაზე, დავსახეთ შემდგომი მოქმედების ტაქტიკა” — ამბობს ექიმი შრაშენიძე.
.