კვირას რომის პაპმა ფრანცისკემ თავისი ხმა შეუერთა უკრაინის საზღვართან დიდი რაოდენობით რუსეთის სამხედრო ძალების თავშეყრით გამოწვეულ საერთაშორისო შეშფოთებას და შეიარაღებული კონფლიქტის თავიდან აცილების მიზნით, მხარეებს დიალოგისკენ მოუწოდა.

„იარაღი – არ არის გამოსავალი“, – განაცხადა ვატიკანში 12 დეკემბერს წმინდა პეტრეს ბაზილიკის აივნიდან მრავალრიცხოვანი ხალხის წინაშე სიტყვით გამოსვლის დროს კათოლიკური ეკლესიის პონტიფიკმა.

რომის პაპის თქმით, მან ლოცვაში მოიხსენია „ძვირფასი უკრაინა მისი ყველა ეკლესია, რელიგიური გაერთიანება და უკრაინელი ხალხი და ილოცა, რომ იქ არსებული დაძაბულობა სერიოზული საერთაშორისო დიალოგით გადაიჭრას და არა იარაღის დახმარებით.
დაე, ამ აღდგომამ მშვიდობა მოუტანოს უკრაინას“, – აღნიშნა რომის პაპმა.

უკრაინაში, სადაც 44 მილიონი ადამიანი ცხოვრობს, მოსახლეობის უმრავლესობა მართლმადიდებელი ქრისტიანები არიან და უკრაინელთა დაახლოებით 10%-ი მისდევს კათოლიციზმს.

კიევი და მისი დასავლელი მოკავშირეები აცხადებენ, რომ რუსეთის მიერ ათობით ათასი სამხედრო ძალის გადასროლა უკრაინის საზღვართან ნაკარნახევია ვლადიმირ პუტინის გეგმით, შეიჭრას უკრაინის ტერიტორიაზე.

რუსეთი ასეთ განზრახვას უარყოფს.