დიდი შვიდეული რუსეთს აფრთხილებს, რომ უკრაინაზე თავდასხმას რუსეთისთვის დიდი შედეგები და მძიმე ფასი მოჰყვება.
ამის შესახებ საუბარია შვიდეულის იმ განცხადების პირველად ვერსიაში, რომელსაც როიტერსი აქვეყნებს.
დღეს ინგლისის ქალაქ ლივერპულში გაიმართა შვიდეულის წევრი ქვეყნების წარმომადგენლების შეხვედრა. ბრიტანეთის, საფრანგეთის, გერმანიის, იტალიის, იაპონიის, კანადისა და სხვა ქვეყნების დელეგატების გარდა შეხვედრას ესწრებოდა ევროკავშირის წარმომადგენელიც.
მათ განაცხადეს, რომ შეკრების მიზეზი რუსეთის მხრიდან უკრაინის საზღვართან სამხედრო მობილიზების დაგმობაა და მოსკოვს სიტუაციის დეესკალაციისკენ მოუწოდებენ.
,,ჩვენ ხელახლა ვადასტურებთ ჩვენს ურყევ ერთგულებას უკრაინის სუვერენულობისა და ტერიტორიული მთლიანობისადმი.
რუსეთს სიტუაციის დეესკალაციისა და დიპლომატიური გზების არჩევისკენ მოვუწოდებთ. რუსეთმა უნდა უერთგულოს საერთაშორისო საზოგადოებისთვის სამხედრო ქმედებების გამჭვირვალობის შესახებ მიცემულ პირობას.
ჩვენ ხელახლა ვადასტურებთ ნორმანდიის ფორმატში საფრანგეთისა და გერმანიის ძალისხმევისადმი მხარდაჭერას. ამ ფორმატის მიზანი მინსკის შეთანხმების სრულად განხორციელების მიღწევა და აღმოსავლეთ უკრაინაში არსებული კონფლიქტის გადაჭრაა”, – წერია დიდი შვიდეულის განცხადების პირველად ვერსიაში.
რუსეთს ეჭვიც არ უნდა შეეპაროს, რომ მომავლის სამხედრო აგრესია უკრაინის წინააღმდეგ მასიური შედეგებისა და მძიმე ხარჯების მომტანი იქნება.” ნათქვამია შვიდეულის განცხადებაში