სააკაშვილი არ არის კარგად, ამას კითხვაც არ უნდა, – ამბობს ბუბა კიკაბიძე, მომღერალი და „ნაციონალური მოძრაობის” დეპუტატი, ყოფილი პრეზიდენტის მონახულების შემდეგ.
„არ არის გატეხილი, მთავარი ეგ არის”, – ამბობს ის და ამატებს: „ვილაპარაკეთ, ზელენსკი როგორ შემხვდა. ვუთხარი, შენი მოქალაქეა და უნდა წაიყვანოთ, თორემ მოკლავენ-მეთქი. უკრაინის პრეზიდენტმა მითხრა, დღესვე დავიწყებ რეკვასო. იმის შემდეგ ჩამოვიდა სახალხო დამცველი, ადვოკატი. პოლონელებსაც უთქვამთ, ჩვენ მოგვეცით, ჩვენ მოვარჩენთ, მოვუვლით და მივხედავთო”..