მიხეილ სააკაშვილმა სასამართლო პროცესზე საქართველოში ინფრასტრუქტურული პროექტების მნიშვნელობაზე ისაუბრა და პირობა დადო, რომ აუცილებლად ააშენებს ლაზიკას.

სააკაშვილის თქმით, მას შეუძლია ინვესტიციების მოზიდვა, რომელიც ეკონომიკას განავითარებს.

მესამე პრეზიდენტის განცხადებით, საქართველოში არსებული სიღარიბე ხელოვნურად არის შექმნილი.

,,საქართველოს აქვს ძალიან მაგარი პერსპექტივა, დარწმუნებული ვარ, თითქმის ყველა ქართველი შეიძლება, იყოს მილიონერი, ნამდვილი მილიონერი, არა გაუფასიურებულ ლარებში. ჩვენ აუცილებლად ავაშენებეთ ძალიან დიდ ქალაქს, ლაზიკას, შავ ზღვაზე, ჩვენ აუცილებლად გავიყვანთ იმ ინფრასტრუქტურას, რომელსაც ვგეგმავდით, აუცილებლად დავასაქმებთ, როგორც კი ესენი წავლენ,  მინიმუმ 250 ადამიანს.

მე ზუსტად მაქვს დათვლილი და შემიძლია ქვეყანაში 10 მილიარდი დოლარის  მოზიდვა 2-3 წლის განმავლობაში ინფრასტრუქტურულ და სხვა პროექტებზე, ეს ნიშნავს, რომ ჩვენი ტურიზმი იქნება სულ სხვა დონის, როგორიც დუბაიში, ბარსელონაში სინგაპურშია.

სიღარიბე და სიღატაკე  ერთხელ და სამუდამოდ ჩაბარდება წარსულს. ეს იყო  ძირითადი  მამოძრავებელი ძალა, რატომაც ჩამოვედი იმიტომ, რომ აღარ შემეძლო, შორიადანმეყურებინ ამ სიტუაციისთვის.

ეს შიმშილი არის ხელოვნური, ეს შიმშილი არის  შეთქმულება საქართველოს წინააღმდეგ, ერთი კაცის ჩაფიქრებული, ქართველი ერის გენოციდი“, – განაცხადა სააკაშვილმა.