პერუს ჩრდილოეთ ნაწილში, ქალაქ ბარანკადან 40 კილომეტრის დაშორებით 7.5 მაგნიტუდის მიწისძვრა მოხდა. ბიძგები დედაქალაქ ლიმაშიც იგრძნობოდა.
მსხვერპლის და მიწისძვრის შედეგად გამოწვეული ზარალის შესახებ ინფორმაცია ჯერ არ ვრცელდება.
მიწისძვრის ეპიცენტრი 100-ზე მეტი კილომეტრის სიღრმეზე მდებარეობდა, რის გამოც რყევა ძალიან ძლიერი არ ყოფილა
ევრო-ხმელთაშუაზღვის სეისმოლოგიური ცენტრის ინფორმაციით, მიწისძვრა ამაზონის ტყეში, მეჩხერად დასახლებულ რეგიონში მოხდა. ცუნამის შესახებ აშშ-ს გამაფრთხილებელი სისტემის თანახმად, მიწისძვრის შემდეგ ცუნამის საშიშროება არ არის.