დღეს გამთენიისას, დაახლოებით 04:00 საათზე, თბილისში გორგასლის ქუჩაზე, ”ნიკორას'' სავაჭრო ობიექტში ცეცხლსასროლი იარაღით შეიარაღებული ორი ნიღბიანი მამაკაცი შეიჭრა.
წაღებულია მცირე ოდენობის თანხა და გარკვეული სახის პროდუქცია.
”საბედნიეროდ, თავდასხმის დროს ობიექტის პერსონალი არ დაზარალებულა”, – აცხადებენ სს ”ნიკორაში”.
მათივე ინფორმაციით, ადგილზე საგამოძიებო მოქმედებები დასრულებულია და ობიექტი მუშაობას ჩვეულ რეჟიმში განაგრძობს.
საქართველოს შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს.