ნატო მწუხარებას გამოხატავს რუსეთის პრეზიდენტის ვლადიმერ პუტინის აფხაზეთში საქართველოს ხელისუფლებასთან წინასწარი შეთანხმების გარეშე ჩასვლის გამო და მიიჩნევს, რომ რუსეთის პრეზიდენტის მიერ აფხაზეთის მონახულება დარეგულირების ძალისხმევას ხელს უშლის. – ამის შესახებ ალიანსის ოფიციალური წარმომადგენლის მოვალეობის შემსრულებელმა დილან უაითმა განაცხადა.
„ვლადიმერ პუტინის ვიზიტი საქართველოს რეგიონში, შეიარაღებული კონფლიქტის მეცხრე წლისთავზე, ზიანს აყენებს საერთაშორისო ძალისხმევას მოლაპარაკებათა გზით კონფლიქტის მშვიდობიანი მოგვარებისთვის“, – განაცხადა უაითმა.