„ევროპულმა საქართველომ“ აგვისტოს ომს ენგურის ხიდზე სპეციალური გამოფენა მიუძღვნა

2008 წლის აგვისტოს ომში დაღუპული სამხედროები გაიხსენეს დღეს ენგურის ხიდზე. „ევროპული საქართველოს“ ლიდერებმა პარტიის ახალგაზრდულ ფრთასთან და მხარდამჭერებთან ერთად ომის 9 წლის თავს სპეციალური ფოტოგამოფენა მიუძღვნეს, რომელიც რუსეთის მხრიდან საქართველოს ოკუპაციას 1801 წლიდან 2008 წლამდე ისტორიას ასახავდა. ენგურის ხიდის ტერიტორიაზე ორგანიზატორების მიერ წარმოდგენილი იყო ფოტო და დოკუმენტური მასალა. „ევროპული საქართველოს“ ლიდერის, დავით ბაქრაძის თქმით, მნიშვნელოვანია მთელმა მსოფლიომ დაინახოს, რომ რუსეთი ოკუპანტია და რომ საქართველო მისი ტერიტორიების ოკუპაციას არ შეეგუება.2008 წლის აგვისტოს ომიდან დღეს 9 წელი გავიდა, რომელმაც 228 მშვიდობიანი მოქალაქე, 146 სამხედრო პირი და 14 პოლიციელი შეეწირა. დღემდე დაკარგულად ითვლება 23 ჯარისკაცი. საკუთარი სახლის დატოვება მოუწია დაახლოებით 150 000 ადამიანს, რომელთაგან 30 000-მდე დღემდე დევნილად ითვლება.

„ევროპულმა საქართველომ“ აგვისტოს ომს ენგურის ხიდზე სპეციალური გამოფენა მიუძღვნა

სიახლეები

რუსეთმა ჩრდილოეთ კორეისგან 8 500-ზე მეტი სამხედრო მიიღო

უკრაინულმა დრონებმა რუსეთში სამარის ოლქში ნავთობგადამამუშავებელ ქარხანას დაარტყეს

რუსეთიდან საქართველოში შემომსვლელთა რაოდენობის ზრდის ფონზე, ექსპერტები შესაძლო რისკებზე საუბრობენ

რუსეთი აგებს ომს, რომელიც მანვე დაიწყო – ურსულა ფონ დერ ლეიენი