რუსი ტურ-ოპერატორების ინფორმაციით,  ტურისტების ნაკადი, რომელიც წელს ისედაც არ იყო ძველებურად მაღალ ნიშნულზე,   ბოლო პერიოდში მომხდარი ინცინდენტების შემდეგ მკვეთრად  შემცირდა. სახელდება კლებისს სხვადასხვა მაჩვენებელი -35-50%. ესუდიდესი დარტყმაა სეპარატსტული რესპუბლიკის ეკონომიკაზე, მაგრამ ხელისუფლებას და მედიას ამაზე მეტად რუსების თვალში შერყეული სტუმართმოყვარე ხალხის იმიჯი უფრო აღელვებს.

 

როგორც აფხაზეთში და აფახაზეთისთვის მომუშავე ტურ ოპერატორები აღნიშნავენ, რუსი ტურისტები, რომლებსაც დაჯავშნული ჰქონდათ მათი მომსახურება, მასობრივად ამბობენ უარს  აფხაზეთში ჩასვლაზე და სოჭში მიემართებიან.სოწში გადადიან ისინიც,  ვინც უკვე ჩასული იყო აფხაზეთში .

 

რუსი ტურისტები საუბრობენ იმაზე, რომ ისეთი გახმაურებული  ამბების ფონზე, როგორიცაა რუსი ტურისტის კაბანოვის მკვლელობისა და მისი ოჯახის დაწიოკების საქმე, და მით უფრო სამხედრო შეიარაღების საწყობის აფეთქება, რომელსაც ორი ტურისტი ქალი ემსხვერპლა, ყურადღების მიღმა რჩება ადამიანების გაუჩინარების ფაქტები, ასე მაგალითად, ბზიფის ხეობაში 4 აგვისტოდან   ეძებენ ახლობლები   რუს ტურისტს ანდრეი ლიხაჩოვს,  რომელიც უკვალოდ გაქრა.

 

აფხაზეთЫი დასვენება სიცოცხლისთვის საშიში გახდა   – წერენ რუსეთის მოქალაქეები სოციალურ ქსელებში და მათ,   ვინც იქ გამგზავრებას გემავდა, ურჩევენ შეცვალონ გადაწყვეტილება.