“ან სასწრაფოდ მიდით (მიხეილ სააკაშვილთან,-რედ.) და დაარწმუნეთ რომ უნდა შეწყვიტოს შიმშილობა და ისე გააგრძელოს ბრძოლა, ან არა და კეთილი ინებეთ და დაიწყეთ შიმშილობა მთელმა პარტიის ე.წ. ლიდერშიპმა!”, – წერს ფეისბუქზე ცნობილი სამოქალაქო აქტივისტი, მოძრაობა “კმარას” ერთერთი დამფუძნებელი თეა თუთბერიძე და ენმ-ის დეპუტატების ნაწილს სასესიო დარბაზში, ნაწილს კი რუსთავის ციხესთან აქციებისა და შიმშილობის გამოცხადებისკენ მოუწოდებს.

“ენმ-ის დეპუტატებო, ან ადგებით და აი ახლა, სწორედ ახლა, დღესვე წახვალ პარლამენტში და სასესიო დარბაზში გამოაცხადებთ და დაიწყებთ შიმშილობას პარლამენტის შენობაში, ასევე, პოლიტსაბჭოს სრული შემადგენლობა პარლამენტში შესული დეპუტატების გარდა, გაშლით კარვებს რუსთავის ციხესთან და გამოაცხადებთ უვადო შიმშილობას ყველა ერთად (ნაწილი პარლამენტში, ნაწილი რუსთავის ციხესთან), ან არა და ზუსტად იცოდეთ, მიშა თუ მოკვდება პუტინის ტყვეობაში მარტო მიტოვებული, მაგ ქვეყნის მომავლის საბოლოო დამსამარებელი ბიძინა ივანიშვილთან ერთად იქნებით თქვენც და ზუსტად ისევე აგებთ თითოეული თქვენგანი პასუხს, როგორც ქართულ ოცნებას მოუწევს!!!

დამიჯერეთ, საშინელება მოგელით და ვერ აანალიზებთ ჯერ! ნუ გგონიათ მიშას რამე დაემართება და თქვენ სადმე მოჯდებით ან პარტიაში მომჯდარი დარჩებით, ძალიან ცდებით!!!
რა ბათუმი, რა ზუგდიდი და რა ქუთაისი?!!! ვის ამაიმუნებთ?!!! რა გგონიათ მიშას ბოლომდე ფეხებზე დაკიდება შეგრჩებათ?! იმ პარტიის ოფისებში რომ ხართ წამოსკუპებული ეს 9 წელი, წინა 9 წელზე აღარ დავწერ, ხელფასი არ მოგიკლიათ და კომფორტი, გგონიათ თქვენი და ჩემი პასუხისმგებლობა ერთნაირია დღეს???!!

აბა გეგმა გვაქვს მიშას გათავისუფლებისო??? ეგაა თქვენი გეგმა ადამიანი უკვე 32 დღეა შიმშილობს და არავინ იცის რა წუთში რა მოხდება??!! ან სასწრაფოდ მიდით და დაარწმუნეთ რომ უნდა შეწყვიტოს შიმშილობა და ისე გააგრძელოს ბრძოლა, ან არა და კეთილი ინებეთ და დაიწყეთ შიმშილობა მთელმა პარტიის ე.წ. ლიდერშიპმა!”, – წერს თეა თუთბერიძე.

შეგახსენებთ, საქართველოს მესამე პრეზიდენტი 32-ე დღეა, რუსთავის ციხეში, სამარტოო საკანში, პროტესტის ნიშნად შიმშილობს.

მესამე პრეზიდენტის ამერიკელი ადვოკატი საქართველოში ჩამოდის – შიმშილობის 32-ე დღე