დანიის პრინცმა ჰენრიკმა თავისი მეუღლის, დედოფალ მარგრეტე II-ის გვერდით დაკრძალვაზე უარი თქვა. – ინფორმაციას ამის შესახებ სამეფო ოჯახის წარმომადგენლის განცხადებაზე დაყრდნობით BBC ავრცელებს.
პრინცის განმარტებით, ,,ის მეუღლის თანასწორი არასდროს ყოფილა და ჯობს სიკვდილის შემდეგაც ასე დარჩეს.''
83 წლის პრინცის უკმაყოფილება თავისი მდგომარეობით სამეფო ოჯახში არასოდეს ყოფილა დაფარული. მას არაერთხელ გაუკეთებია განცხადება, რომ მეფე-კონსორტის ტიტულს ესწრაფვის და იმსახურებს, თუმცა სამეფო ოჯახის თანხმობას ვერ მიაღწია.
ჰენრიკმა პრინც-კონსორტის ტიტული 1967 წელს, წყვილის დაქორწინების დროს მიიღო.
შარშან იგი სახელმწიფო საქმეებს ჩამოშორდა და ,,პენსიაზე გასული'' დროის უდიდეს ნაწილს საფრანგეთის სამხრეთში გაშენებულ თავის ვენახებში ატარებს.
მედიის ცნობით, 77 წლის დედოფალი მარგრეტე II ქმრის გადაწყვეტილებას დაეთანხმა.