განრისხებულმა მინისტრმა კოლეგია დაასრულა სიტყვებით: ,,მოდით,  შვწყვიტოთ ეროვნული პროექტის საბოტაჟი. გაეცით აფხაზეთის მოქალაქეებს აფხაზური პასპორტები,  ხოლო მოქალაქეობის არმქონეებს – შესაბამისი დოკუმენტები. ჩვენ ოცი წელია ვცდილობთ გავარკვიოთ,  რამდენი ადამიანი ცხოვრობს ამ რაიონებში და არ არის საჭირო ამისგან ეროვნული ტრაგედიის  შექმნა. თუ რამე შეგეშალათ და ბინადრობის მოწმობა გაეცით მასზე, ვისაც ის არ ეკუთვნის, ყოველთვის შეიძლება კვლავ ჩამოვართვათ, ეს ხომ აფხაზეთის მოქალაქის პასპორტი არ არის. ჩვენ ყველა შესაძლო წინაღობა მოვხსენით. თუ სუს-მა გასცა ნებართვა, ადამიანმა უნდა მიიღოს თავისი საბუთი.  მე არავის მივცემ  უფლებას ჩააგდოს ეს ეროვნული პროექტი და თუ თქვენ ბატონო მანარგია   (საპასპორტო – სავიზო სამსახურის უფროსი – ოდიში ნიუსი) თავს   ვერ ართმევთ ამას, მოიძებნება ის, ვინც ამას შეძლებს. ადექით და ცენტრალურ აპარატთან ერთად ჩადიტ აღმოსავლეთ რაიონებში, ადგილზე გაარკვიეთ ყველაფერი, რაც გინდათ ქენით, მაგრამ დააჩქარეთ   ბინადრობის მოწმობის გაცემის ტემპები''. 

ჩვენი მხრიდან დავძენთ, რომ გულუბრყვილობა იქნებოდა ქართველების წრეში ტარებაში   მხოლოდ რაიონული საპასპოროტო მაგიდების უფროსების დადანაშაულება. ასლან ნკობახიას და, უფრო მაღლაც, რაულ ხაჯიმბას თვითწარმოჩენა ,,კეთილ მეფედ''   ხელისუფლების პოლიტიკის ორგანული ნაწილია და ეს პოზა მათ საერთაშორისო თანამეგობრობისთვის, მით უფრო ოკუპირებულ ზონაში მცხოვრები ქართველებისთვის  თვალში ნაცრის შესაყრელად სჭირდებათ – მეისრეები  იქ  ( და საერთოდ)  არაფერს წყვეტენ.