სამ საათზე მეტია, საქართველოს მესამე პრეზიდენტის მიხეილ სააკაშვილის კლინიკაში გადაყვანასთან დაკავშირებით კონსილიუმი მიმდინარეობს. ჯანდაცვის მინისტრი, რომელიც კონსილიუმის წევრია, აცხადებს და, პრაქტიკულად, აანონსებს, რომ კერძო კლინიკაში მიხეილ სააკაშვილის გადაყვანა არ მოხდება და, როგორც შინაგანაწესი ითვალისწინებს, მას გლდანის პენიტენციური დაწესებულების საავადმყოფოში გადაიყვანენ, სადაც პაციენტებისთვის შესაბამისი პირობებია შექმნილი.
“ამასთან, იქ უსაფრთხოებაც დაცულია”, – განაცხადა ეკატერინე ტიკარაძემ, თუმცა, უსაფრთხოების ექსპერტები მიიჩნევენ, რომ მიხეილ სააკაშვილის გადაყვანა გლდანის ციხის საავადმყოფოში მიუღებელია, პირველ რიგში, სწორედ უსაფრთხოების ფაქტორის გათვალისწინებით.