მუქარის, შანტაჟის, დაშინებისა და პასპორტების ჩამორთმევის შემდეგ, ხელისუფლებამ სამეგრელოში ყოფილი ძალოვნების წინააღმდეგო სპეცოპერაციების სერია დაიწყო.
გვიან ღამით, ხობში, სპეცოპერაცია ჩატარდა, რომელსაც თბილისიდან საგანგებოდ ჩასული შინაგან საქმეთა მინისტრის მოადგილე შალვა ბედოიძე და კრიმინალური პოლიციის დეპარტამენტის დირექტორი მამუკა ჭელიძე ხელმძღვანელობდნენ.
დაკავებულია ყოფილი ძალოვანი ლექსო რაფავა, რომელსაც გვიან ღამით სახლში შეუვარდნენ და “ნაციონალური მოძრაობის” მტკიცებით, ავტომატურ ცეცხლსასროლ იარაღთან ერთად, ხელყუმბარაც დაუდეს.

ჩხრეკა ჩატარდა პოლიციის მაიორის, რუსლან შამახიას სახლშიც. თუმცა, შამახია მათ სახლში არ დახვდა და ისინი ძალის გამოყენებით ცდილობდნენ შესვლას სახლში. სამართალდამცავებმა შამახიას საცხოვრებელი სახლიდან ამოიღეს სანადირო თოფი.
ნაციონალური მოძრაობის თქმით, “ხელისუფლება მსგავსი მეთოდებით აპირებს დაშინებას, თუმცა, არ გამოუვა”