დედოფალი, რომელსაც 95 წლის განმავლობაში უამრავი ჯილდო მიუღია, წლის ასაკოვანი ადამიანის წოდებაზე უარს აცხადებს. მონარქს მიაჩნია, რომ ის ჯილდოს კრიტერიუმებს არ აკმაყოფილებს და განმარტავს, რომ “იმდენად ხარ მოხუცი, რამდენადაც თავს თვლი”.
მან “თავაზიანად, მაგრამ მტკიცე” უარი განაცხადა ჯილდოზე, რომელიც ყოველწლიურად ასაკოვანი თაობის წევრებს საზოგადოებრივ ცხოვრებაში შეტანილი წვლილისთვის გადაეცემა.
მომავალ წელს დედოფალი იუბილეს გრანდიოზულად აღნიშნავს
და მისთვის ამ ტიტულის მინიჭებაც სწორედ მაშინ იგეგმებოდა. დედოფლის გადაწყვეტილებას თვითონ ამ დაჯილდოების ორგანიზატორიც გამოეხმაურა და აღნიშნა, რომ მონარქმა ჯილდო უფრო ღირსეული კანდიდატისთვის დათმო.
წლის მთავარი ასაკოვანი ადამიანის ჯილდო საბოლოოდ ფრანგ-ამერიკელ მსახიობსა და მოცეკვავე ლესი კარონს გადაეცა, რომელიც დედოფალზე 5 წლით უმცროსია. დაჯილდოება უკვე 29 წელია, ტარდება და მისი გამარჯვებულები არიან როგორც ნობელის პრემიის ლაურეატები, ასევე ექთნები და ვეტერანი ათლეტები.
სამეფო ოჯახის წევრებიდან წლის მთავარი ასაკოვანი ადამიანის ჯილდო 2011 წელს ედინბურგის ჰერცოგმა, პრინცმა ფილიპმაც მიიღო 90 წლის იუბილეზე.
წყარო: The Guardian