საქართველოს მესამე პრეზიდენტის მიხეილ სააკაშვილის დედა, გიული ალასანია ბათუმში ჩავიდა და 26 მაისის ქუჩაზე, ჩამონგრეული შენობის ნანგრევებთან პატივი მიაგო გარდაცვლილების ხსოვნას.
ისეთი მასშტაბის ტრაგედიაა, სათქმელიც არაფერია – განაცხადა მან
ტრაგედიის მესამე დღეს ბათუმში, შემთხვევის ადგილზე მოქალაქეები ყვავილებით, სანთლებითა და სათამაშოებით მიდიან და სამძიმარს უცხადებენ მსხვერპლთა ოჯახებს.
შეგახსენებთ, რომ კორპუსის ჩამონგრევის შედეგად, 9 ადამიანი გარდაიცვალა, მათ შორის სამი ბავშვია. მაშველებმა ნანგრევებიდან 8 ცხედარი ამოიყვანეს, ხოლო ერთი ქალი საავადმყოფოში მიყვანის შემდეგ დაიღუპა.