ოკუპირებულ აფხაზეტში რუს ტურისტებზე თავდასხმაში ეჭვმიტანილი ორი დაკავებულიდან ერთმა აღიარებითი ჩვენება მისცა. ამის შესახებ ინფორმაციას RIA ავრცლებს.
გამოცემის ცნობით, ეჭვმიტანილები ერთმანეთის ღვიძლი ძმები არიან – ადგურ და დაურ ჯინჯოლიები ( დაბ. წელი: 1988 და 1987 ) სოფელ აბღარხუქიდან.
11 ივლისს, ოკუპირებულ აფხაზეთში, გუდაუთის რაიონში, ტურისტებს ფულის გამოძალვის მიზნით ორი პირი დაესხა თავს. . ტურისტებიდან ერთ-ერთმა მათ წინააღმდეგობა გაუწია, რა დროსაც ერთ-ერთმა თავდამსხმელმა მოკლა.
ამ რეზონანსული მკვლელობის ფონზე რუსეთის ხელმძღვანელობა აფხაზეთის სეპარატისტული მთავრობისგან დაკავებულების კანონის მთელი სიმკაცრით დასჯას მოითხოვს.
აფხაზეთის დეფაქტო მთავრობა, გუდაუთის რაიონში მოკლული რუსი ტურისტის ოჯახს ფულად კომპენსაციას გადაუხდის და მოსკოვში გადასვენების ხარჯებსაც საკუთარ თავზე აიღებს.