სამეგრელო-ზემო სვანეთის საოლქო პროკურატურასთან, მსჯავრდებული პაპუნა ნანეიშვილის ოჯახმა საპროტესტო აქცია გამართა.
ოჯახის წევრების განცხადებით პაპუნა ნანეიშვილი წელიწადზე მეტია უკანონოდ იხდის სასჯელს- პოლიციის თანამშრომლებმა მას იარაღი ჩაუდეს. მსჯავრდებული 54 დღეა შიმშილობს, მისი ჯანმრთელობის მდგომარეობა მძიმეა და გადაყვანილია საავადმყოფოში.
ოჯახის წევრები მოითხოვენ საქმის ხელახალ გამოძიებას და საქმეში გენერალური ინსპექციის ჩართვას, წინააღმდეგ შემთხვევაში პერმამენტული აქციებით იმუქრებიან.
,, ჩემი შვილი უკანონოდ დააკავეს, ჩვენ ვითხოვთ მხოლოდ სამართლიან გამოძიებას და საქმეში გენერალური ინსპექციის ჩარევას, წინააღმდეგ შემთხვევაში გზებსაც გადავკეტავთ და პროტესტის უკიდურეს ზომებს მივმართავთ"-აცხადებს დაკავებულის მამა თამაზ ნანეიშვილი.
ხობის მუნიციპალიტეტის მკვიდრი 26 წლის პაპუნა ნანეიშვილი დაახლოებით ერთი წლის წინ იარაღის უკანონო შეძენა-შენახვა ტარების ბრალდებით დააკავეს, სასმართლომ მას 6 წლიანი პატიმრობა შეუფარდა.