ელიავას ბაზრობის მიმდებარე ტერიტორიაზე მდებარე ერთ-ერთ მაღაზიაში დაკვამლიანება იყო. – ამის შესახებ ინფორმაციას "ინტერპრესნიუსი" საგანგებო სიტუაციების მართვის სამსახურზე დაყრდნობით ავრცელებს.
უწყებაში აცხადებენ, რომ, "112"-ში შესული შეტყობინების საფუძველზე, ადგილზე ოთხი სახანძრო-სამაშველო ჯგუფი გავიდა. მათ ტერიტორიაზე დახვდათ დაკვამლიანება, ხანძრის გარეშე, რომელიც, სავარაუდოდ მოკლე ჩართვამ გამოიწვია.
დაშავებულები არ არიან. უსაფრთხოებისა და პრევენციის მიზნით, ადგილზე ერთი სახანძრო-სამაშველო ჯგუფი რჩება, დანარჩენმა ბრიგადებმა კი, ტერიტორია უკვე დატოვეს.