ერთიანი ნაციონალური მოძრაობის ერთ-ერთი ლიდერი გიგა ბოკერია ქვეყანაში არსებულ სიტუაციას აფასებს და ამბობს, რომ შექმნილი ვითარებიდან გამოსავალი ვადამდელი საპარლამენტო არჩევნებია. პოლიტიკოსის განცხადებით, პარტია კონსულტაციებს იწყებს და ფართომასშტაბიანი აქციებისთვის ემზადებიან. „ჩვენი აზრით ერთადერთი გამოსავალი, რომელმაც ქვეყანა ამ კატასტროფული მდგომარეობიდან უნდა გამოიყვანოს არის ვადამდელი არჩევნები. ივანიშვილი და მისი გუნდის წარმომადგენლები უტიფრად აცხადებენ, რომ გვაქვსო საზოგადოების მხარდაჭერა. შევამოწმოთ, ვის აქვს საზოგადოების მხარდაჭერა. ერთადერთი გზა ლეგიტიმურობის დაბრუნებისა ხელისუფლებისთვის უნდა იყოს არჩევნები. ჩვენ ვფიქრობთ, რომ ისინი გასულები არიან ლეგიტიმურობის კურსიდან და ქვეყნისთვის ერთადერთი ლეგიტიმური გზა არის ვადამდელი არჩევნების ჩატარება. ეს უნდა მოხდეს რაც შეიძლება სწრაფად და სწორედ ამ ამოცანით ჩვენ ვიწყებთ ფართომასშტაბიან კონსულტაციებს და ვაპირებთ ფართომასშტაბიან აქციებს“ – განაცხადა ჟურნალისტებთან საუბრისას ერთიანი ნაციონალური მოძრაობის ერთ-ერთმა ლიდერმა გიგა ბოკერიამ.