26 აგვისტოს ქაბულის აეროპორტში მომხდარი აფეთქების შედეგად დაღუპული ამერიკელი სამხედროების ხსოვნის პატივის მისაგებად და გლოვის ნიშნად, აშშ-ში სახელმწიფო დროშები დაუშვეს.

ამერიკის დროშები დაშვებულია სხვა ქვეყნებში აშშ-ს საელჩოების შენობებსა და სამხედრო ბაზებზეც.

აფეთქებას, რომელზეც პასუხისმგებლობა ე.წ. ისლამური სახელმწიფოს ხორასნის პროვინციამ (ISIS-K) აიღო, 100-ზე მეტი ადამიანის სიცოცხლე ემსხვერპლა, მათ შორისაა 13 ამერიკელი სამხედრო. დაშავებულთა რაოდენობა 200-ს აჭარბებს.

პრეზიდენტმა ჯო ბაიდენმა ტერორისტულ დაჯგუფებას მიმართა :

“მივმართავ ტერორისტებს, არ გაპატიებთ, არ დაგივიწყებთ, გიპოვით და პასუხს გაგებინებთ.გავეცი ბრძანება, შემუშავებულ იქნეს ISIS-K-ს ხელმძღვანელობაზე, აქტივებსა და ობიექტებზე შეტევის გეგმები, ჩვენ მათ ძალითა და სიზუსტით ვუპასუხებთ”. – თქვა ბაიდენმა.