ხობის რაიონის სოფელ ხიბულაში, 2 ნიღბიანი შეიარაღებული პირი გიმზერ კვირკვაიას ოჯახს დაესხა თავს. შემთხვევა გუშინ ღამით მოხდა. გავრცელებული ინფორმაციით, თავდამსხმელებმა ოჯახის ერთ-ერთი წევრი, რომელიც ეზოში იმყოფებოდა, დააკავეს და საცხოვრებელ სახლში იარაღის მუქარით შეაღწიეს. გიმზერ კვირკვაია, რომელიც თავდამსხმელებს შეეწინააღმდეგა, ნაცემია.
თავდამსხმელები კვირკვაიების ოჯახისგან ორი დღის წინ გაყიდული თხილიდან მიღებულ თანხას მოითხოვდნენ. ოჯახი ყვება, რომ მათ თავდამსხმელები ნახევარი საათის განმავლობაში ფიზიკურ შეურაცხყოფას აყენებდნენ, რადგან ყაჩაღებმა იმ რაოდენობის თანხა ვერ აღმოაჩინეს, რამდენზეც მათ ინფორმაცია ჰქონდათ. წაღებულია 80 ლარი და ოქროს ნივთები.
შს სამინისტროს პრესსამსახურისინფორმაციით, მომხდარზე გამოძიება 179-ე მუხლით მიმდინარეობს, რაც ყაჩაღობას გულისხმობს.