,,რატომღაც გვგონია, რომ ყოველი ახალი ბანერის დადგმა ახალი ოკუპაციაა'' – არც მეტი, არც ნაკლები ასე გამოეხმაურა დევნილთა და განსახლების მინისტრი სოზარ სუბარი ოკუპანტების მიერ სასაზღვრო ბანერის გადმოწევას სოფელ ბერშუეთში.
ზოგადად, საზღვრების გადმოწევა და ოკუპაცია არის ყველაზე მტკივნეული თემა, მაგრამ, მაინც მგონია, რომ არასწორ კონტექსტში ვაშუქებთ ხოლმე. ოკუპაცია დაიწყო 90-იან წლებში, ოკუპაციას წერტილი დაესვა 2008 წელს. ამას ვივიწყებთ და რატომღაც გვგონია, რომ ყოველი ახალი ბანერის დადგმა ახალი ოკუპაციაა. ოკუპაცია მოხდა, რუსეთი არის ოკუპანტი და უნდა დავამთავროთ ეს ოკუპაცია. ყოველი ახალი ბანერის დადგმით რამე თვისობრივად არ იცვლება- განაცხადა მან გუშინ მცოცავი ანექსიის მორიგ ფაქტთან დაკავშირებით.
ისმის კითხვა; რა ესაქმება ასეთ კაცს დევნილთა სამინისტროში და საეროდ ქართულ პოლიტიკაში. თუმცა ამ ხელისუფლებისგან დიდი ხანია არავის არაფერი უკვირს.