საქართველოს 16 მოქალაქე ისევ ქაბულშია. მათი ტრანსპორტირება ვერ ხერხდება. მიზეზი ისაა, რომ ქაბულის აეროპორტს აშშ-ის შეიარაღებული ძალები აკონტროლებენ, აეროპორტამდე მისასვლელ გზას კი თალიბები.
ვრცელდება ინფორმაცია, რომ ისინი ასევე, ნადირობენ ყველაზე, ვისაც რაიმე ფორმით ნატოს ბაზებთან ჰქონდა შეხება, თუმცა, აღსანიშნავია, რომ ქართველების სიცოცხლეს საფრთხე არ ემუქრება, ისინი აეროპორტისგან მოშორებით, ბაზაზე, უსაფრთხოდ იმყოფებიან.
სიტუაცია რამდენჯერმე შეიცვალა. მაგალითად, რამდენჯერმე გადაიდო ქართველების ექსკორტირება, რადგან ბოლო მომენტში მიღებული ინფორმაციის შემდეგ, მარშრუტი უსაფრთხოდ ვერ ჩაითვალა.
ჯერჯერობით არაა ცნობილი, როდის მოხერხდება საქართველოს მოქალაქეების დაბრუნება სამშობლოში.