“ჩემი ცოლის დაქალები” ბოლო 4 სერია, პარასკევს, შაბათს, კვირას და დასკვნითი და უსასტიკესი სერია ორშაბათს, 22:00-ზე” – ამის შესახებ სოციალურ ქსელში სერიალის ერთ-ერთმა პროდიუსერმა დაწერა.
ირაკლი საღინაძის თქმით, “ჩემი ცოლის დაქალების” მიმდინარე სეზონი მთავრდება, შემდეგი სეზონი კი სექტემბერში დაიწყება.
“გუშინ, კვირას, ვერ გავიდა სერიალი ეთერში. ელიავაზე მიმდინარე ხანძრის გამო ძალიან გვიანობამდე გაგრძელდა “კურიერი”, შესაბამისად, ეთერში გავალთ პარასკევს, შაბათს, კვირას და ორშაბათს. ამით სეზონი დასრულდება, სექტემბერში კი დაიწყება, მომდევნო – 12-ე სეზონი” – განაცხადა სერიალ "ჩემი ცოლის დაქალების" ერთ-ერთმა პროდიუსერმა ირაკლი საღინაძემ.
სერიალის მთავარმა სცენარისტმა ქეთი დევდარიანმა საკუთარ ფეისბუქგვერდზე დაწერა, რომ საზოგადოება გრიშა კაკაჩიას და თემურ ძიგუას დნმ-ის ანალიზის პასუხს ორშაბათს გაიგებს.