დღეს სოხუმში მარადონა გარდაიცვალა …
მისი ნამდვილი სახელი დაგვარი იყო შამილ გალინი, არავინ იცის რა ქარმა გადმოაგდო უფადან, ბაშკირეთიდან სოხუმში.
ქართველებმა საკმაოდ ახალგაზრდა დავტოვეთ, ამასობაში ე 66 წლისა გამხდარა .
ახლა აფხაზურ სოციალურ ქსელებში მსჯელობენ, როგორ, რა პატივით დაკრძალონ იგი, როგორც სოხუმური ეგზოტიკის ნაწილი.
გამოღმა ნაპირზე წუხან ქართველებიც.
,,. არც სულელი იყო, არც გიჟი, არც დებილი, ჭკუა ხომ არ მოეკითხებოდა, მაგრამ იყო რაღაც სხვა… ფეხბურთელ მარადონას ჰგავდა და მარადონა შეარქვა ხალხმა… ყოველთვის წელზევით შიშველი დადიოდა.. არავის არაფერს ერჩოდა… რაღაცნაირად უხდებოდა კიდევაც სანაპიროს ბულვარს.. '' – წერს სოხუმელი პოეტი რევაზ კემულარია