საფრანგეთის  ქალაქ ავინიონში ორი შეიარაღებული პირი მანქანიდან გადმოვიდა და მეჩეთიდან გამოსულ მუსლიმებს ცეცხლი გაუხსნა. დაშავდა 8 ადამიანი, ერთი 7 წლის ბავშვია.თავდასხმა წუხელ, 2 ივლისს,  ადგილობრივი დროით 22 საათსა და 30 წუთზე მოხდა. 

 

ფრანგული მედიის ცნობით, გამოძიება ტერორიზმის მუხლით არ მიმდინარეობს – პოლიცია თვლის, რომ თავდასხმა ორ ახალგაზრდას შორის პირადი დაპირისპირების შედეგია.

 

ეს უკვე მეორე ინციდენტია, რომელიც ბოლო ერთი კვირის განმავლობაში მუსლიმურ სალოცავთან მოხდა.

 

4 დღის წინ პარიზის გარეუბანში მამაკაცმა მეჩეთიდან გამოსული ხალხისთვის მანქანის შეჯახება სცადა, თუმცა ის ადგილზე დააკავეს.