31 მგზავრი დაშავდა გერმანიაში, ბავარიის მხარეში მომხდარი ავარიის დროს, კიდევ 17 ადამიანის ბედი გაურკვეველია.
ავარია დღეს დილით მოხდა. ავტობუსი სატვირთო მანქანას დაეჯახა და ცეცხლი გაუჩნდა. წინასწარი მონაცემებით, ტურისტულ ავტობუსში 48 ადამიანი იმყოფებოდა, ყველა გერმანიის მოქალაქეა.
ადგილზე მაშველები და პოლიცია მუშაობს. მათ უკვე გადაიყვანეს საავადმყოფოებში ყველა დაშავებული, რომელთაგან რამდენიმეს მდგომარეობა მძიმეა.
ამ დრომდე ეძებენ დაკარგულებსაც ადგილობრივი პოლიციის წარმომადგენელი აცხადებს, რომ სავარაუდოდ ყველა დაღუპულია.
,,რა თქმა უნდა, ვერ გამოვრიცხავთ, რომ შესაძლოა ვინმე ძალიან შეშინებულიყო და შოკურ მდგომარეობაში გაცლოდა იქაურობას, მაგრამ ამის სულ უფრო მცირე იმედი რჩება. ალბათ მოგვიწევს თვალი გავუსწოროთ რეალობას და ვაღიაროთ, რომ ბევრი ადამიანი დაიღუპა“ – ამბობს იგი