ჰაიტიში ძლიერ მიწისძვრას 300-ზე მეტი ადამიანის სიცოცხლე ემსხვერპლა, 1 800-ზე მეტი დაშავებულია. 7,2 მაგნიტუდის მიწისძვრა ქვეყანაში გუშინ, 14 აგვისტოს მოხდა და ძლიერი ნგრევა გამოიწვია.

დანგრეულია საცხოვრებელი კორპუსები, საავადმყოფოები, გზები და სხვა ინფრასტრუქტურა. დაწყებულია მოსახლეობის ევაკუაცი  ყველაზე მეტად დაშავებული რეგიონებიდან. დაშავებულთა ნაწილის ნანგრევებიდან გამოყვანა მოხერხდა  მაშველებისა და მოხალისეების დახმარებით.

ჰაიტის პრემიერმა  საგანგებო მდგომარეობა გამოაცხადა

7,2 მაგნიტუდის სიმძლავრის მიწისძვრა 10 კილომეტრის სიღრმეზე დედაქალაქ პორტ-ო-პრენსიდან 150 კილომეტრში მოხდა. მიწისძვრის შემდეგ, ბიძგები გაგრძელდა,აშშ-ს ცუნამის განგაშის სისტემამ ცმოსალოდნელი ცუნამის შესახებ გააფრთხილა ქვეყნის ხელისუფლება და მოსახლეობა.

სპეციალისტებიც ცნობით,  ჰაიტიში მომავალ კვირას გაგრძელდება ძლიერი წვიმები და ქარიშხალი, რამაც შესაძლოა, წყალდიდობა გამოიწვიოს.

აღსანიშნავია, რომ ჰაიტიზე 2010 წლის 12 იანვარს 7,0 მაგნიტუდის სიმძლავრის მიწისძვრა მოხდა, რომლის შედეგადაც 200 000-ზე მეტი დაიღუპა.