მოსკოვის აეროპორტ დომოდედოვოს აეროპორტიდან ბათუმის მიმართულებით გამოფრენილმა „ურალის ავიახაზების“ სამგზავრო თვითმფრინავმა სტავროპოლის მხარეში, მინვოდის აეროპორტში საგანგებო დაშვება განახორციელა, რისი მიზეზიც ტექნიკური გაუმართაობა გახდა.
თვითმფრინავის ბორტზე 156 მგზავრი და ეკიპაჟის ექვსი წევრი იმყოფებოდა. არც ერთი მათგანი არ დაშავებულა. მგზავრების ბათუმში გადასაყვანად ავიაკომპანიამ სხვა თვითმფრინავი გააგზავნა.
აღსანიშნავია, რომ 26 ივნისს სტავროპოლის მხარეში მსუბუქმოტორიანი თვითმფრინავი ჩამოვარდა, რომლის პილოტიც გარდაიცვალა.