წალენჯიხის რაიონის სოფელ ფახულანში, რუსული ბლოკ-პოსტიდან დაახლოებით 20-30 მეტრში, “ლელო საქართველოსთვის” მოძრაობა “დროას” ინიციატივით საპროტესტო აქცია გაიმართა რუსული ოკუპაციის გასაპროტესტებლად. ამ აქციით აქტივისტებმა და ადგილობრივმა მოსახლეობამ რუსეთ-საქართველოს ომიდან 13 წლისთავიც აღნიშნეს.
მარიამ სიჭინავა აქციაზე საქართველოს, ევროკავშირისა და აშშ-ის დროშებით მივიდა. მან ბლოკპოსტთან ახლოს დატოვა წარწერა “არ შეეგუო ოკუპაციას!”. აქციაზე “ლელო საქართველოსთვის” სამეგრელოს ორგანიზაციის ლიდერმა თამარ ბელქანიამ, რუსი ოკუპანტების გასაგონად ჩართო საქართველოს სახელმწიფო ჰიმნი.
შეგახსენებთ, ფახულანი-საბერიოს ადმინისტრაციულ საზღვარზე რუსული ბლოკ-პოსტი, რომლის თავზეც აფხაზური ე.წ. სახელმწიფო დროშა ფრიალებს, 2008 წლის ომამდეც არსებობდა.
