ლეგენდარულ არგენტინელი ფეხბურთელი დიეგო მარადონა აცხადებს, რომ უახლოეს დღეებში შეხვდება რუსეთის პრეზიდენტს.
არგენტინული გამოცემა Ole-ს ინფორმაციით, რუსეთის პრეზიდენტი ვლადიმირ პუტინი თანამშრომლობაზე მოელაპარაკა. საუბარი სავარაუდოდ იქნება მსოფლიოს საფეხბურთო ჩემპიონატზე, რომელიც რუსეთში 2018 წლის 14 ივნისიდან 15 ივლისამდე გაიმართება.
„მქონდა კონტაქტი პუტინთან. მოგვიანებით, ტელეფონითაც დამელაპარაკა. მას სურს, რომ რუსეთში მსოფლიო ჩემპიონატისთვის რაღაც გავაკეთო. ყველაფერია შესაძლებელი. პუტინის ფანი ვარ. ორი თვის წინ უკვე მელაპარაკნენ ამ თემაზე, მაგრამ მნიშვნელოვანია, პუტინთან ახლოს ვიყო და მას პირადად დაველაპარაკო“, – ციტირებს მარადონას სიტყვებს გამოცემა Ole.
მარადონას ამ განცხადებას მთელ მსოფლიოში განიხილავენ, ბუნებრივია საქართველოშიც. ჟურნალისტი ლაშა ბერულავა, როგორც ყოველთვის მიზანში ურტყამს:
,,დიეგო არმანდო, შხამად შეგერგოს ჩემი ყველა აღტაცება შენით )))))) გაუმარჯოს კარლ ჰაინც რუმენიგეს, რომელიც მეფესთან მიღებაზე არ მივიდა და თქვა: „შესაძლოა, ვცდები, რომ არ მივდივარ, მაგრამ ჩემი საქმეა ფეხბურთის თამაში და არა მეფეების წინაშე საზეიმო სიტყვით გამოსვლა." – წერს იგი სოციალურ ქსელში.