დღეს ქუთაისში, პარლამენტის წინ რუსთავი2-ის მხარდასაჭერი აქცია გაიმართა, რასაც პარლამენტის შიგნით დაპირისპირება მოჰყვა.უმრავლესობაში ამბობენ, რომ პარლამენტის გარეთ გამართულირუსთავი 2-ის მხარდამჭერი აქცია ნაციონალური მოძრაობის მიერ ორგანიზებული იყო და მათივე თქმით, მათ მიმართ ადგილი ჰქონდა ფიზიკურ და სიტყვიერ დაპირისპირებას.ნაციონალურ მოძრაობაში კი ამბობენ, რომ აქციის მონაწილეები საკუთარი პოზიციის დასაფიქსირებლად შეიკრიბნენ, რათა გააპროტესტონ ხელისუფლების შეტევა თავისუფალ მედიაზე.პარლამენტში სხდომა კი კვორუმის არარსებობის გამო ამ დრომდე ვერ იწყება. ნაციონალურ მოძრაობაში მიაჩნიათ, რომ ეს უმრავლესობისგან შეგნებულად ხდება, რათა მნიშვნელოვანი საკითხების განხილვა, მათ შორის რუსთავი 2-თან დაკავშირებული განცხადების განხილვა არ მოხდეს.