დღეს, 4 აგვისტოს იუსტიციის მინისტრი რატი ბრეგაძე სამინისტროს 10-წლიან სამოქმედო გეგმას წარადგენს
ამასთან დაკავშირებით პრემიერმინისტრი ირაკლი ღარიბაშვილი ამბობს, რომ ციხეებში სანიმუშო ვითარებაა და ამ მხრივ საქართველო მსოფლიოს მასშტაბით ერთ-ერთ მოწინავე რიგებშია.
“ძალიან საინტერესო იდეები აქვს ბატონ რატის პენიტენციურ დაწესებულებებთან დაკავშირებით. ციხეებში არსებული ვითარება იყო ჩვენი ხელისუფლების გამოწვევა, როდესაც ჩვენ მოვედით ხელისუფლებაში 2012 წელს. წამება და არაადამიანური მოპყრობა იყო ყოველდღიური პრაქტიკა ციხეებში, რაც ჩვენ, 2012 წელს, მოსვლისთანავე დავასრულეთ და დღეს გვაქვს სანიმუშო, სამაგალითო ვითარება ციხეებში, მთელი მსოფლიოს მასშტაბით და ევროპის მასშტაბით ერთ-ერთ მოწინავე რიგებში ვართ”, — ამბობს ღარიბაშვილი.