მთავარი გამოწვევა სასჯელაღსრულების სისტემაში კვლავ რჩება არასათანადო მოპყრობის ფაქტების გამოუძიებლობა – ზოგადად, ის, რომ ეფექტური გამოძიება არ ხდება ფაქტების, ეს შეიძლება ითქვას, რომ კვლავ ტენდენციაა, ამიტომაც დამოუკიდებელი საგამოძიებო მექანიზმის აუცილებლობას ჩვენ კიდევ ერთხელ ვაყენებთ, – ამის შესახებ სახალხო დამცველმა უჩა ნანუაშვილმა პრევენციის ეროვნული მექანიზმის წლიური ანგარიშის წარდგენისას განაცხადა, რითაც პენიტენციურ სისტემაში არსებული ხარვეზები შეაფასა.
„ასევე ერთ-ერთი მთავარი გამოწვევა სასჯელაღსრულების სისტემაში არის ის, რომ პატიმართა რეაბილიტაციისა და რესოციალიზაციისკენ მიმართული ღონისძიებები არის საკმაოდ მწირი. ასევე, შინაგან საქმეთა სამინისტროს სისტემაში არასათანადო მოპყრობა კვლავ რჩება ერთ-ერთ სერიოზულ პრობლემად“, – განაცხადა უჩა ნანუაშვილმა.
სახალო დამცველმა მთავრობის, არასამთავრობო სექტორის და დიპლომატიური კორპუსის წარმომადგენლებს პრევენციის ეროვნული მექანიზმის წლიური ანგარიში წარუდგინა. ანგარიში მიმოიხილავს დახურული ტიპის, კერძოდ, პენიტენციურ დაწესებულებებში, შინაგან საქმეთა სამინისტროს დაქვემდებარებულ ორგანოებში, შშმ პირთა პანსიონატებში ადამიანის უფლებების კუთხით არსებულ მდგომარეობას.
სახალხო დამცველი ხაზგასმით აღნიშნავს, რომ არასათანადო მოპყრობის ფაქტების ეფექტიანი გამოძიებისთვის აუცილებელია, დამოუკიდებელი საგამოძიებო მექანიზმის შექმა.