გურამიშვილის გამზირზე ოთხ ახალგაზრდაზე შეიარაღებული თავდასხმის ფაქტი გახსნილია. შინაგან საქმეთა სამინისტროში აცხადებენ, რომ დამნაშავე პირების ვინაობა დადგენილია და მიმდინარებს მუშაობა მათ დასაკავებლად.
დაშავებული ახალგაზრდები საავადმყოფოში არიან გადაყვანილი. ექიმების თქმით, ერთი მათგანის მდგომარეობა მძიმეა, მას მრავლობითი ჭრილობა აქვს ცივი იარაღით მიყენებული ყელის არესა და ზურგში. მას გუშინვე ჩაუტარეს გადაუდებელი ოპერაცია, ორი შედარებით მსუბუქად არის დაჭრილი, თუმცა მათაც ოპერაცია დასჭირდა, ერთს სხეულზე მხოლოდ ნაკაწრები აღენიშნება.
გურამიშვილის გამზირზე, ”აღმოსავლეთ ევროპის უნივერსიტეტთან” გუშინ ოთხი ადამიანი დაჭრეს. თვითმხილველთა თქმით ახალგაზრდები უნივერსიტეტში მიმდინარე სპორტული ღონისძიებიდან გამოდიოდნენ, როცა მათ 2 თავდასხმელი დაესხა თავს და ცივი იარაღით დაჭრა. მათივე თქმით, დაჭრილთაგან 2 სპორტსმენია, 2 კი გულშემატკივარი.
ადგილზე მყოფი პირების ინფორმაციით, დაპირისპირების დროს დაცვის თანამშრომელმა ცეცხლსასროლი იარაღიდან გაისროლა. თუმცა, სასწავლებლის პრესსამსახურში აცხადებენ, რომ მათი დაცვის სამსახურს იარაღი არ აქვს.