თბილისის საერთაშორისო აეროპორტში, დაახლოებით 11 საათზე განგაში გამოცხადდა და მგზავრებისა და პერსონალის ევაკუაცია მოხდა. მიზეზი ხელჩანთა იყო, რომელიც აეროპორტის ფოიეში უმეთვალყურეოდ დატოვებული იპოვეს.
შსს-ს განცხადებაში, რომელიც უწყებამ გაავრცელა, ნათქვამი იყო, რომ ადგილზე გავიდა მესანგრეთა (გამნაღმველთა) ჯგუფი, რომლებმაც ჩანთის დათვალიერების შემდეგ მასში რაიმე საეჭვო ნივთი ვერ აღმოაჩინეს. ამის შემდეგ აეროპორტმა ჩვეულ რეჟიმში გააგრძელა მუშაობა.