,,ისინი დაბრუნდებიან მალე, თუ არ დაბრუნდებიან, პარლამენტში ოპოზიციის ადგილებს სხვა პოლიტიკური პარტიები დაიკავებენ'' – ასე ეხმაურება უმრავესობის ლიდერი არჩილ თალაკვაძე ბოიკოტს, რომელიც საპარლამენტო ოპოზიციამ საკონსტიტუციო ცვლილებების განხილვას გამოუცხადა.
მოსახლეობის დიდი ნაწილი მხარს უჭერს ამ ცვლილებებს, რადგან პირველ რიგში არის გარანტიები, რომელიც ადამიანის უფლებებს, ინფორმაციაზე ხელმისაწვდომობას და ფიზიკური ხელშეუხებლობის გაძლიერებას ეხება. რაც შეეხება ბოიკოტს, მათ არ სურთ, გაითავისონ, რომ ჩვენთვის კონსენსუსი იმას არ ნიშნავს, რომ ისეთი რამ გავითვალისწინოთ, რაც ხალხისთვის მიუღებელია, რომელსაც შევხვდით და ეწინააღმდეგება იმას, რისთვისაც ამ ცვლილებებს ვახორციელებთ“
ფრაქცია ”ქართული ოცნების” ლიდერი მამუკა მდინარაძე სრულად უსაფძვლო და ულოგიკოს უწოდებს ოპოზიციის ბოიკოტს: ,,როდესაც აღარ გაქვს არგუმენტები, ამასთან, გარდა საკონსტიტუციო კომისიისა, ხალხი და ვენეციის კომისია გეუბნება, რომ შენი ლოგიკა ცარიელი პოპულიზმი და დემაგოგიაა, ერთადერთი გზა პროცესის დისკრედიტაციისთვის არის ბოიკოტი.
”თუ კვირაზე მეტი ქუთაისის პარლამენტში ჯდომა და მუშაობა გეზარება, ბოიკოტი უფრო მომხიბვლელად გამოიყურება – ეს არის ჩვენი ოპონენტების გადაწყვეტილების მოკლე აღწერა. გარდა ამისა, როდესაც აცხადებ, რომ არ ენდობი მმართველ გუნდს და მას მარტო ტოვებ დარბაზში კონსტიტუციის განხილვისას, ეს ნიშნავს, რომ ან იტყუები და იცი, რომ მართლაც საუკეთესო კონსტიტუცია იწერება, ან საერთოდ არ გაინტერესებს შენი ქვეყნის მომავალი”, – აღნიშნა მდინარაძემ.