გუშინ ნასიმის რაიონულ სასამართლოში აზერბაიჯანელი ჟურნალისტის აფგან მუხთარლისთვის აღკვეთის ღონისძიების შეცვლასთან დაკავშირებით სხდომა გაიმართა.
მუხთარლის დაცვის მხარე პატიმრობის შინაპატიმრობით შეცვლას ითხოვდა, რის წინააღმდეგაც ბრალდების მხარე გამოვიდა, პროკურატურის არგუმენტი იყო, რომ შინაპატიმრობის შემთხვევაში შესაძლოა მუხთარლი ქვეყნიდან გაქცეულიყო.
საბოლოოდ სასამართლო დაცვის მხარის შუამდგომლობას არ დაეთანხმა და აღკვეთის ღონისძიება უცვლელი დატოვა.
შეგახსენებთ, ჟურნალისტს საზღვრის უკანონო გადაკვეთას, მესაზღვრეებისთვის წინააღმდეგობის გაწევას და დიდი ოდენობით თანხის კონტრაბანდულად გადატანას ედავებიან. მუხთარლი ბრალდებებს უარყოფს. მისი და მისი თანამოაზრეების მტკიცებით, მუხთარლის დაკავება მის ჟურნალისტურ მუშაობას უკავშირდება.