საქართველოს მესამე პრეზიდენტი და უკრაინის ოპოზიციურ ძალთა ლიდერი მიხეილ სააკაშვილი თავის პირად ფეისბუქგვერდზე ეხმაურება ვლადიმერ პუტინის მიერ ამერიკელ რეჟისორისთვის მიცემულ ინტერვიუს, სადაც იგი მას გიჟად იხსენიებს და განმარტავს, რატომ არის იგი გიჟი პუტინის თვალში.
,,პუტინს უბრალოდ არ შეუძლია არ მახსენოს. – წერს მიხეილ სააკაშვილი – ამერიკელი რეჟისორის ოლივერ სტოუნისათვის მიცემულ ინტერვიუში მან განაცხადა, რომ ყველამ იცის ვინა ვარ – გიჟი.
ეს ძველი გებისტური მეთოდია შეშლილად შერაცხო ყველა ოპონენტი .
პუტინის თვალში მართლაც გიჟი უნდა იყო, თუ არაფერი მოგიპარავს, როცა შენს ხელში ათეულობით მილიარდი დოლარი გადიოდა.
გიჟი უნდა იყო, რომ არ დაჰყვე შანტაჟს, წნეხს და არ დამორჩილდე.
გიჟი უნდა იყო, ჩემსავით ფიქრობდე, რომ უკრაინას შეუძლია მოახდინოს გარღვევა და ევროპის ზესახელმწიფოდ იქცეს.
და, რა თქმა უნდა, მისთვის კიდევ უფრო დიდი სიგიჟეა, ვიღაც ფიქრობდეს, რომ პუტინის დასასრული მალე დადგება და ამ ომში უკრაინა გაიმარჯვებს, მე კი ამაში სრულიად დარწმუნებული ვარ. '' – წერს მიხეილ საააკაშვილი თავის პირად ფეისბუქგვერდზე .