საქართველოს პრეზიდენტი გიორგი მარგველაშვილი ღრმა მწუხარებას გამოთქვამს გერმანიის ყოფილი კანცლერის, ჰელმუტ იოზეფ მიხაელ კოლის გარდაცვალების გამო.
”ღრმა მწუხარებას გამოვთქვამ გერმანიის ფედერაციული რესპუბლიკის ყოფილი კანცლერის ჰელმუტ იოზეფ მიხაელ კოლის გარდაცვალების გამო. ჰელმუტ კოლი იყო ეპოქალური მნიშვნელობის ლიდერი, რომელმაც განსაკუთრებული როლი შეასრულა ცივი ომის დასრულებასა და ევროპის გაერთიანებაში. განუზომელია მისი ღვაწლი საქართველო-გერმანიის ურთიერთობების განვითარებაში.
მისი სახით ქართველმა ხალხმა დაკარგა დიდი მეგობარი, რომლის თანადგომაც არაერთხელ გვიგვრძვნია ჩვენთვის მნიშვნელოვან წუთებში.
ვუსამძიმრებ ბატონი კოლის ოჯახს, გერმანიის მთავრობასა და გერმანელ ხალხს. დარწმუნებული ვარ, რომ ჰელმუტ კოლის ღვაწლი არასოდეს მიეცემა დავიწყებას და მისი სახელი ღირსეულ ადგილს დაიმკვიდრებს გერმანელი ხალხისა და კაცობრიობის ისტორიაში”, – ნათქვამია პრეზიდენტის განცხადებაში..
რეიტერსის ცნობით, ჰელმუტ კოლი გარდაიცვალა პარასკევს, 16 ივნისს ქალაქ ლუდვიგსჰაფენ-ამ- რაინში მდებარე საკუთარ სახლში
ცხოვრების უკანასკნელი წლები იგი მძიმედ ავადმყოფობდა და ეტლის გარეშე ვერ გადაადგილდებოდა .
კოლი ომისშემდგომი გერმანიის ისტორიაში ყველაზე დიდხანს, 16 წელი იყო კანცლერის პოსტზე (1982 – 1998 წწ) , ეს იყო ერთადერთი პოლიტიკოსი რომე;იც ზედიზედ ოთხჯერ დაინიშნა ამ პოსტზე , სწორედ მისი ხელმძღვანელობის დროს მოხდა გერმანიის გაერთიანება , ის აქტიურად მოქმედებდა ერთიანი ეროვნული ვალუტის შემოღებისათვის ეროვნული ვალუტის – გერმანული მარკის სანაცვლოდ. ჯანცლერობამდე ჰელმუტ კოლი სათავეში ედგა გერმანიის ერთერთ წამყვან პარტიას – ქრისტიანულ -დემოკრატიულ კავშირს